Поэтическая минутка.  Гульдария Юсупова.

Поэтическая минутка. Гульдария Юсупова.

Башҡортостандың халыҡ шағиры Мостай Кәримгә арналған шиғырым яңы китапта донъя күрҙе. Ошондай олуғ шәхесебеҙ булыу менән беҙ ҡалай бәхетле!

Шағирҙы иҫләп
Таң әтәстәре ҡысҡыра, сәғәт нисәләр икән… (Мостай Кәрим)

Ҡысҡырҙы таң әтәстәре,
Таныш шиғырҙа кеүек…
Иҫкә төшөп, шағир әйткән
Үтте йөрәкте телеп.

Уйланһаң, уның һәр юлы
Мәғәнәле икән дә!
Шағир яҙғанса, ғүмерҙәр
Үткәндәр ҙә киткәндәр.

Һиҫкәндерҙе бөгөн таңда
Шағирҙың әйткән һүҙе.
Таң әтәстәрен ишетеп,
Шағирҙы гүйә күрҙем.

Әсендем аңлап шағирҙың
Ябай ғына шиғырын.
Аңғармаған йәшлек кенә
Ғүмер елеп уҙырын…

Ҡысҡырҙы таң әтәстәре,
Таныш шиғырҙа кеүек…
Иҫкә төшөп, шағир әйткән
Үтте йөрәкте телеп.
Гөлдәриә Йосопова
5.07.2023
https://vk.com/yusgg?w=wall63159734_10324