Поэтическая минутка. Гульдария Юсупова.

Поэтическая минутка.
Гульдария Юсупова.

Байрам менән, дуҫтарым! Барыбыҙ ҙа яратҡан баш ҡала юбилейы менән тәбрикләйем! Өфөбөҙ сәскә атһын! Был иҫтәлекле көнгә яңы шиғыр!

Сәләмләй Ағиҙел тулҡындары
Баш ҡалаға килгән һәр кемде.
Бала саҡтан күңелемә яҡын –
Сикһеҙ һөйәм ғәзиз Өфөмдө!

Быуаттарҙы-быуаттарға ялғап
Күркәмләнә Өфө ҡалаһы!
Болоттарға ашҡандай Салауат –
Башҡортомдоң ғорур балаһы!

Мөхәббәтем арта һиңә, Өфөм,
Сыҡҡан саҡта ҡояш ҡыҙарып!
Һиндә кешеләрҙең йөҙө яҡты
Шат тауышлы егет-ҡыҙҙарың!

Илһөйәрҙәр,эшһөйәрҙәр менән
Лайыҡлы дан-шөһрәт яуланың!
Йәшә балҡып, Өфөм, йәшә мәңге –
Баш ҡалаһы Башҡортостандың!
Гөлдәриә Йосопова.
https://vk.com/yusgg?w=wall63159734_10038